විදුහල්පති පණිවිඩය

රජරට පළාතේ වැව් බැඳි රාජ්‍යයේ ‌ ඓතිහාසික වශයෙන් වැදගත් වූ දිනෙන් දින විශිෂ්ඨත්වය කරා පිය නඟන අප පාසල, ගෝලීය අධ්‍යයනය තුළ සහශ්‍රීය අධ්‍යාපන අරමුණු කරා යන උතුරු මැද පළාතේ රන්වන් නාමයෙන් වැජඹෙන සුවිශේෂී පාසලකි. වසර 100 කටත් වඩා පැරණි මෙම පාසල ජයග්‍රහණ රාශියකට උරුමකම් කියන අතර පාසල ආරම්භයේ සිට මේ දක්වා පාසලින් බිහිවූ කීර්තිමත් ආදි සිසුන් දැයට ආඩම්බරයක් වී ඇත.

දැනුම අතින් ලොව එකම ගම්මානයක් වී ඇති, එක මායිමකට  අනුගත වෙමින් අප පාසලේ තොරතුරු ඇතුලත් කරමින් එය තවදුරටත් පාසලින් බැහැරව ගෙන යමින් පාසල ආරම්භ කළ වෙබ් අඩවිය තුලින් අප විද්‍යාලයට විවිධ පාර්ශව සමඟ අදහස් හුවමාරුව හා තොරතුරු හුවමාරුව ඵලදායී ලෙස යොදා ගැනීමට හැකිවනු ඇතැයි මම විශ්වාස කරමි. ඒ තුළින්  අප පාසලේ තාක්ෂණික භාවිතය දිගු කරමින් විවිධ පාර්ශවයන්ට ආරාධනා කරනුයේ පාසලේ  වෙබ් අඩවිය සමඟ සම්බන්ධ වී පාසලේ ප්‍රගමනයට සහයෝගය දක්වන ලෙසයි.

මේජර් ඩබ්.එම්.සුනිල් අමරතුංග

 

           විදුහල්පති,

           රුවන්වැලි මධ්‍ය මහා විද්‍යාලය